FA(B)

上回提到在牀上不知不覺睡著了，瞓到矇矇矓矓之際，聽到亞姐叫人起身食早餐(已是1月6日)，當然拿拿臨去刷牙‧其實醫院啲食物都吾係好難食，我食果份早餐，有1碗大粥同一碗細粥(冬菇碎肉粥)，有一包太平梳打餅。可能太緊張關係，都無乜胃口，一碗細粥都食吾晒。之後最折磨人陣痛先開始........

食過早餐後，醫生會續個檢查，醫生話我個度數夠，所以未生得，(檢查時醫生先戴個手套，然後探入我子官內，睇個度數開到幾大，通常要開到8，9度先生得)，果刹那，係吾會諗到尷尬 ，呢啲就係做媽媽的喜悅，勝過一切痛苦，難堪。

我心諗仲未生得，點算呢，因為我串了洋水，怕吾怕影響bb呢，如果係危險的話，醫生一定會摧生，就咁樣說服自己，等到自己無咁驚，擔心。成日流流長，有咩好做呢，原來係好快過的，點解咁講，因為陣痛先剛剛開始，開始時既陣痛，你仲可以忍受，久吾久痛吓，你仲可以行來行去，冋隔離牀既大肚婆聊聊天。到午餐時間，好好奇食啲乜，原來係雞肉，飯，同埋一個橙，今次食得好多，可能早餐食得吾夠飽，午餐參吾多食晒。食完就係牀邊散步，小睡片刻。

但到了4、5點時，果種陣痛頻密咗，而且俾之前更加痛，唯有行吓減吓痛到痛楚。到了探病時間到，屋企人帶咗好多乾糧俾我，又好擔心我，真係好多謝佢地。不過我都無乜心機，因為陣痛越來越頻密，同埋痛到行又吾係，坐又吾係，我大姐見我咁辛苦，就叫姑娘睇吓我生得未，姑娘檢查後，又係果句度數未開，仲未生得。教我寫低陣痛次數，分鍾，以方便統計。佢地陪我到9點到，叫佢地返屋企，因為我6號個晚，仲未生得。返到病牀，我想瞓教，發覺係瞓吾到，個種痛每5分鍾痛一次，又時痛到標冷汗，頂吾信，按鍾叫姑娘，同佢地講好痛，佢地幫我檢查﹐都係果句、度數未開夠。佢地就教我深咮吸，以減輕痛楚。

果晚如是者，係牀上記錄陣痛次數，有時訓著咗，都痛住醒咗，全身標住冷汗，有時凍，有時熱，果刹那，真係好想哭，點解要我自己係呢到接受痛楚，我老公係邊呢。不知不覺，醒吓、瞓吓等到第2朝。吃過早餐後，老公1 早黎探我，出去病房吹吓水，然後姑娘話醫生檢查，返入病房。醫生檢查完，就話我仲未生得，不過等到有產房有位，就要催生。

我出去同老公講，叫佢返屋企休息吓，因為呢幾天佢頻頻撲撲，都好辛苦，仲有醫生話吾知產房幾時有位，所以就叫佢返去。而我入番房休息吓，大約1個鍾到，姑娘話有位﹐叫我換衫，而我即刻打返俾老公，話我生得喇，我都有啲吾好意思，好似玩緊佢咁。叫佢走黎走去。花b出世即張開始.........(欲知事情發展，請留意生花b的經過2)