FA(B)

上回提到要入產房，換好醫院提供既衫，的衫好得意(裏面乜都吾著，外面著住一件紫色袍，不過條繩係後面綁，我換個陣時心諗，點解要咁著架，條繩係後面點綁呀，無辦法，肉隨砧板上，唯有照做啦。

換好衫，出去坐咗一陣，之後姑娘推咗張牀入黎，叫我瞓上去，然後向產房出發。瞓係張牀上面，心裏面又驚又喜，驚既係生B係味會好痛，要幾耐呢？喜既我可以同我肚裏面既BB見面啦— 短短路程，已經到達產房，入到去，裏面環境好白好光，有好多儀器，見到幾位姑娘己經係到聊聊天，個氣氛都OK，吾算好驚。

上回提到在牀上不知不覺睡著了，瞓到矇矇矓矓之際，聽到亞姐叫人起身食早餐(已是1月6日)，當然拿拿臨去刷牙‧其實醫院啲食物都吾係好難食，我食果份早餐，有1碗大粥同一碗細粥(冬菇碎肉粥)，有一包太平梳打餅。可能太緊張關係，都無乜胃口，一碗細粥都食吾晒。之後最折磨人陣痛先開始........

食過早餐後，醫生會續個檢查，醫生話我個度數夠，所以未生得，(檢查時醫生先戴個手套，然後探入我子官內，睇個度數開到幾大，通常要開到8，9度先生得)，果刹那，係吾會諗到尷尬 ，呢啲就係做媽媽的喜悅，勝過一切痛苦，難堪。

 記得2010年1月5日那天，我感到很疲倦，同時健康院姑娘替我摸肚時，話BB個頭仔已落到好低，所以我就提早兩日放產假，仲記得果晚，我去完家姐屋企玩，之後慢慢散步回家，都無乜異檥，仲諗緊明天打邊爐(正呀有得食)。果晚沖完涼，上床訓覺，點知我隔離果隻野(我家姐)講電話，嘈住晒，我呢啲大肚婆訓覺係吾嘈得架嫲，所以鬧咗佢幾句，然後繼續訓，點知人有三急，去完厠所，繼續訓，突然覺得(果度)濕濕地，走去厠所睇無野呀。繼續訓啦，吾係喎—好似真係濕濕地，走去厠所睇，條(底底)有水喎，我聽人講過，呢啲可能穿羊水，果一刻好驚，同我三家姐講，喂—我穿咗羊水，佢就彈起身，即刻打電話俾我大家姐(因為佢生過嫲，有豐富既經驗)，佢叫我即刻去醫院，個時已經係零晨2點幾，對一個未生個既人黎講，個一刻，我全個人震晒，有啲束手無策，同時又好高興，因為就快可以同我肚裡面既BB見面。 同時，即刻打埋俾條佬，佢聽到，當然就好緊張。就開架車黎接我。

而我一早執咗既走佬袋，換件衫就出去了，去醫院途中，我完全控制吾到自己，對手不停震，完全吾受我控制，心裡又驚又雀躍。去到醫院，已經係零晨2點幾了，即刻上去婦產科，老公就去泊車，果個姑娘首先叫我入房仔，問長問短先，然後叫我瞓係牀度檢查，我話我穿羊水，佢幫我檢查，話我仲未開(個晚果個姑娘態度嫲嫲地)。之後叫我換套醫院衫，檢查完就出去辦入院手續，我家姐幫我辦入院手續，而我就跟住姑娘入房了，入到房見到好多大肚婆瞓緊，姑娘安排咗牀俾我後，叫我瞓上去，無幾耐﹐佢地推著部機去到我牀邊，將一條腰帶西環住我條腰，然後俾個制我，同我講話如果bb郁既話，就按一下。我不斷聽到部機好似掃瞄，發出聲音。

我今日同我老公搭火車時，本來兩個有講有笑﹐突然感到個頭好暈，全身標冷汗﹐我仲同老公講我好暈呀﹐佢仲以為我玩，就係果時候，我望到周圍既人好矇﹐就這樣暈咗一暈(只係十幾秒)﹐好彩老公係我身邊，

我依稀記得當時好多人讓位俾我座﹐同埋問我地需吾需要叫人幫手，當時已經到站了，我地話吾須要，之後到車廂外的椅子座吓、呌吓，途中見到一位伯伯，佢對住我地話，可能車廂太焗﹐所以見暉，冇事既。

係2009年11月19日的晚上，令我懷孕以來最感動的一晚，點解會這樣說，因為我終於感覺到好多媽媽講既﹕你有冇見到BB係你肚皮上撐吓撐吓，雖然我未見過，但係果晚，我終於感覺到，我吾知係手定係腳，當我用手接觸(突)出果部份，果一刹那好感動，好實在，原來懷孕既感覺係咁，好奇妙，令我好奇待下次可以親身望到，好喇，今日就寫到呢到啦﹗

謝謝FRANKY 幫我開咗個BLOG